الشاعر/ ياسر عبد الحميد
تحصد إيه؟ .. عامية مصرية
..................
بِتُحصُد إيه؟
و كل التِبر مليان سوس
بتِروي ف إيه؟
طوفانك فاض، و غطي الروس
هاويس مفتوح،
ك خمارة بتملي منها كؤوس
و تتطوح كما العاجز كبير السن
و سن الشوك
فتح بابه بيدي دروس
يعِز عليك
تشوف جرحك، ما تفتحلوش
أكم من ناس
شافت وجعك و ما اهتموش
سنين عمرك
بتتفرج فِ كمِّ وشوش
بتتشكل وتتنكل وبتغير ف أقوالهم
تصدقهم؛
لكن طلعو ما يستاهلوش
عنيك بتشوف
و تقرا كلام كتير فيهم
تجمعهم علي الكلمة
لعل الكلمة ترضيهم
تشوف نفس الأنا..
الطارحة.. بِتتَزَرَّع فِ وسطيهم
تفهمهم.. تحفظهم.. تقريهم
لكن، يِأسوا
و نسيوا مين مجمعهم
فَ تبعد عن أراضيهم
بتتداري،
ف عبايتك اه.. و توجعها
و ترسم ضحكة مكبوته ب أوجاعها
و تطلع صرخة مكتومة..
ما تلقي حد يسمعها
و تتلاقي بنفس الآه..
بتتردد علي اشفاهم
و شايف كلأُشلائَك
و مش قادر تجمعها
********************
اترك تعليقا:
